பெண்கள் ஆண்கள் காலில் கருப்பு நிற கயிறு கட்டுவது ஆன்மீகமா மருத்துவமா

ஆண்கள் பெண்கள்  காலில் கருப்பு நிற கயிறு கட்டுவது ஆன்மீகமா மருத்துவமா

இன்றைய காலத்தில் பெரும்பாலான பெண்கள் காலில் கருப்பு கயிறு கட்டுவதை வழக்கமாக வைத்துள்ளனர் சிலர் இதனை புதிய ட்ரெண்டாக்கியும் வருகின்றனர்,வெறும் கயிறு மட்டுமின்றி அதில் சிறிய டாலர் ஒன்றினை சேர்த்துக் கொண்டு ஸ்டைலாக்கி வருகின்றனர், இவ்வாறு காலில் கருப்பு நிற கயிறு கட்டுவது முன்னோர்களின் பாரம்பரியமாக இருந்தாலும், தற்போது ஸ்டைலாக்கி வருகின்றனர்.

ஆண்கள் வலது காலிலும், பெண்கள் இடது காலிலும் கருப்பு கயிறு கட்டுகின்றனர் இதற்கான ஆன்மீக காரணம் பல கூறப்படுகின்றது. இதனுடன் ஆரோக்கிய காரணம் என்ன என்பதையும் தெரிந்து கொள்வோம், கருப்பு நிற கயிறு கட்டுவதால் கண் திருஷ்டி பாதிப்பு விலகுவதாகவும், தீய ஆற்றல் மற்றும் எதிர்மறை சக்தியிடமிருந்து பாதுகாப்பு கிடைப்பதாக நம்பப்படுகின்றது,குறிப்பாக சனி தோஷம் உள்ளவர்கள் மற்றும் வாழ்க்கையில் தடைகள் ஏற்படும் போது இந்த கயிறை கட்டுவது நல்ல பலனை அளிக்கின்றது.

காலில் கருப்பு நிற கயிறு கட்டுவது உடலில் நரம்புகள் சரியாக செயல்படுவதற்கும், கால் மற்றும் மூட்டு வலி பிரச்சனைக்கும் தீர்வு காண்பதாக நம்பப்படுகின்றது, இதனுடன் சிறிய இரும்பு வளையம் அல்லது பூஜை பொருட்களை இணைத்து கட்டுவது இன்னும் அதிகமான ஆன்மீக பலனை அளிப்பதாக கூறுகின்றனர்.

மேலும் உடல் சூடு குறையவும், ரத்த ஓட்டம் சீராகவும் இருக்கின்றதாம்.இதனை கட்டும்போது நேரம் மிக முக்கியமாக பார்க்கப்படுகின்றதுசனிக்கிழமை அல்லது அமாவாசை நாட்களில் இதனை கட்டுவது சிறப்பு என்று கூறப்படுவதுடன், சிலர் இதனை மந்திரம் படித்து கட்டவும் செய்கின்றனர். மேலும் எளிதில் இவை அறுந்துவிடாத அளவிற்கு தரமாக கட்ட வேண்டும், ஆக மொத்தம் சனி பகவானின் அருளை பெறுவதற்கும், எதிலும் தடையில்லாமல் முன்னேறவும், வீட்டில் குழந்தைகள் அழுவதை தவிர்க்கவும் முக்கியமாக இந்த கருப்பு நிற கயிற்றை கட்டுகின்றனர்